حرص الفنان تامر حسني على توجيه نصيحة للجمهور بمناسبة حلول شهر رمضان، داعيا إياهم بالتسامح فيما بينهم ونشر الرحمة، والعمل بما قاله الرسول صلى الله عليه وسلم وهو عدم رد الإساءة بالغضب والإساءة.

تامر حسني يوجه نصيحة للجمهور بمناسبة حلول شهر رمضان 

وكتب تامر حسني معلقا على صورة رصدها موقع تحيا مصر عبر حسابه الرسمي بموقع تبادل الصور والفيديوهات انستجرام: على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميل …. تفتكروا لو اللي شايل كل الناس دي على ضهره لو حد من اللي شايلهم غلط فيه أو ظلمه أو حد سخنه و خلاه يقول كلام مش فيه أو شتمه حتى شتيمه صريحة.

وتابع: لو اللي شايل الناس دي كلها قرر يقوم و يقف و يرد عليه !! هيحصل إيه للناس دي كلها اللي ملهاش ذنب !!؟ أكيد هيقعوا و يتعوروا و هما ملهمش ذنب و خصوصاً إن اللي شايل الناس دي كلها هو شايلهم لإنه بيحبهم كلهم فا أكيد هيلتمس للي بيحبهم مليون عذر و عذر و خصوصاً ان اللي متشالين عشان هما فوق فا مش شايفين معاناة اللي شايل عشان كده ربنا بيدي الشخص المسؤل عن ناس كتير أو موظفين أو عيلة قوة تحمل و صبر و حكمة و رحمة مش عند حد و عشان كده ربنا بيباركله في مشواره اللي ماشيه و هو شايل كل دول من غير ما يشتكي بل بالعكس مستمتع و هما على ضهره.

تامر حسني: يلا نبدأ الشهر الكريم بالتسامح والرحمة 

واختتم تامر حسني حديثه: وصف الرسول عليه الصلاة و السلام الرجل القوي الشديد باللي بيمسك نفسه عند الغضب مش اللي بيتخانق و يضرب يلا نبدأ الشهر بالتسامح و الرحمة و رمضان كريم على الجميع.

من ناحية أخرى، كان تامر حسني قد دعم الفنان والملحن عمرو مصطفى بعد إصابته بمرض السرطان وهو النبأ الذي فزع عدد كبير من الجمهور ونجوم الفن خلال الفترة الأخيرة.

تامر حسني يدعم عمرو مصطفى 

وكتب تامر حسني في منشور عبر موقع انستجرام: بطمن عليه كل يوم، وبجد الرجاء من كل محبيني ومتابعيني ومن كل الناس الدعاء للملحن الكبير عمرو مصطفى بالشفاء العاجل. ربنا يشفيك يا عمرو يا حبيبي، وشدة وهتزول إن شاء الله. إنت قدها ونص يا بطل، وكلنا معاك، وربنا يشفي كل مريض.