كلمات ناريه من محمد فارس رداً على تصريحات أحمد سليمان، علق الإعلامى محمد فارس المذيع بقناة الأهلى الرسمية على تصريحات أحمد سليمان عضو مجلس إدارة نادي الزمالك بالأمس.

تصريحات أحمد سليمان بالامس

التصريحات التي أدلى بها أحمد سليمان وقال أن هناك لاعبين من تشكيلة الأهلى التى ستخوض لقاء اليوم أمام الأهلى تتفاوض مع الزمالك للعب في الموسم القادم.

رد محمد فارس على تصريحات أحمد سليمان بالامس

ليرد محمد فارس عبر صفحته الشخصية على منصة فيس بوك بكلمات قوية حيث كتب،

‏احمد سليمان بيقول ان في لعيبة في تشكيل الاهلي بكره عايزه تقعد معاه

‏كويس إن احمد سليمان عارف تشكيل الأهلي بكره ومين هيلعب واحنا نفسنا مش عارفين

‏الأهم بقى كهربا كان نجم فريقك وأهم لاعب عندك سابك وفسخ عقده وكان كل هدفه يرجع يلعب للأهلي ، إمام عاشور كان اللاعب اللي أنت بتبني عليه كزمالك مستقبلك انهاردة هو نجم الشباك في الأهلي وقالها إن اللي حققه في الأهلي كان مستحيل يقدر يحققه تاني ، بن شرقي اللي كان بن قلبك واللي كنتم من شهور هو حلمكم وحسين لبيب قال لو لاعب واحد اتمنى يرجع الزمالك هيكون بن شرقي انهاردة بن شرقي اختار الأهلي وفضله على الزمالك وقال الأهلي كبير أفريقيا ونادي القرن

‏يعني نجومك فضلوا الأهلي وسابوك انت بقى عايز تقنعني إن لاعب ربنا اكرمه بانه أصلا في الأهلي فعايز يسيب الأهلي ويقعد معاك عشان يروح الزمالك النادي الأشهر في الفيفا مش بالبطولات ولا الأشهر بالإنجازات انما الأشهر بالقضايا والشكاوى بتاعة المستحقات

‏كابتن احمد صدقني اللي بيكلمك ده اكيد رامز جلال وعامل فيك مقلب عشان رمضان