بوكو M6 برو نازل بشاشة خرافية وبطارية ماتخلصش ومعالج اقتصادي نار

بوكو M6 في وقت بقت فيه أسعار الموبايلات نار، شركة POCO بتكسر القاعدة بهاتف اقتصادي بجدارة، وهو Poco M6 Pro. الموبايل دا بيقدم مواصفات قوية جدًا مقارنة بسعره، من شاشة ممتازة، لمعالج سريع، لبطارية ضخمة، وكاميرات تؤدي المطلوب وزيادة، لو بتدور على موبايل يعيش معاك ويوفر في الفلوس، المقال دا ليك!

تصميم بوكو M6

بيجي Poco M6 Pro بتصميم عصري أنيق وخامات متينة تخليه يديك إحساس الفخامة رغم سعره المتوسط، الموبايل مزوّد بشاشة AMOLED بحجم 6.67 بوصة، بدقة +FHD، وسطوع عالي يخليك تشوف بوضوح حتى تحت الشمس، الشاشة كمان بتدعم معدل تحديث 120 هرتز، وده نادر في الفئة السعرية دي.

أداء قوي بمعالج اقتصادي

الهاتف بيشتغل بمعالج MediaTek Helio G99، اللي بيقدّم أداء ثابت وسريع في المهام اليومية، والألعاب المتوسطة كمان.
الرام والتخزين:

• نسخة 256 جيجابايت مع 8 جيجابايت رام
• أو نسخة 512 جيجابايت مع 12 جيجابايت رام
  وده بيدي مرونة للمستخدم في اختيار النسخة المناسبة لاستخدامه.

كاميرا تؤدي المطلوب وأكثر

يضم الهاتف كاميرا خلفية ثلاثية العدسات:

• رئيسية بدقة 64 ميجابكسل
• عدسة واسعة 8 ميجابكسل
• وعدسة ماكرو 2 ميجابكسل
  وفيه كمان كاميرا أمامية بدقة 16 ميجابكسل مناسبة للسيلفي والمكالمات الفيديو.

بطارية ما بتخلصش وشحن صاروخي

من أكبر مزايا الجهاز هي بطاريته العملاقة بسعة 5000 مللي أمبير، وبتدعم شحن سريع بقوة 67 واط، يعني تشحن الموبايل بالكامل في أقل من ساعة، وتنسى الشاحن بقية اليوم.

مميزات Poco M6 Pro باختصار

• شاشة كبيرة ومبهرة
• بطارية تدوم طويل
• أداء سلس في كل المهام
• شحن سريع جدًا
• تصميم جذاب ومتين

العيوب اللي لازم تعرفها

• ما بيدعمش تشغيل شريحتين وكارت ميموري في نفس الوقت
• مفيش تصوير فيديو بدقة 4K

لكن بصراحة، دي عيوب مش جوهرية بالنسبة لفئته السعرية، وكتير ممكن يتغاضى عنها قدام المميزات.

الأسعار في الوطن العربي

• مصر: حوالي 8000 جنيه
• السعودية: حوالي 750 ريال
• الإمارات: حوالي 734 درهم

لو بتدور على موبايل اقتصادي يديك مواصفات محترمة ويعيش معاك، فـ Poco M6 Pro هو خيار ممتاز، شاشة قوية، بطارية تعيش، وشحن سريع، وكل ده بسعر ولا في الأحلام.
ببساطة…الموبايل دا مش طبيعي!